Шведскиот фудбалер Златан Ибрахимовиќ синоќа слета во Милано и сега ќе биде во двонеделен карантин, во согласност со безбедносните мерки за спречување на коронавирусот.

„АНСА“ објави дека 38-годишниот напаѓач пристигнал во градот доцна синоќа, два месеци по заминувањето од Италија, откако Серија А беше запрена поради пандемијата.

Ибрахимовиќ, кој потпиша договор со „росонерите“ во јануари, ќе тренира индивидуално во клупската база „Миланело“ во наредните две недели.

Швеѓанецот тренираше со тимот на Хамарби, каде е ко-сопственик, за време на престојот во татковината.
Неговите соиграчи од Милан ја продолжија индивидуалната обука минатата недела и треба да се преселат на групни тренинзи следниот понеделник.