Милан освои три бода по тешката победа со 1:0 синоќа на гостувањето кај Верона во претпоследниот дуел од третото коло во италијанската Серија А.
Голот вреден победа за „миланезите“ го постигна полскиот интернационалец Криштоф Пјонтек од пенал во 68. минута.
Верона играше со фудбалер помалку од 21. минута кога беше отстранет Мариуш Стемпински. На самиот крај на средбата, црвен картон доби и гостинскиот играч Давид Калабрија.
Милан со шест бода се наоѓа на 7.место, додека Верона досега собра четири бода и е 11-та.
