Денеска во македонското Собрание, заедно со премиерот Христијан Мицкоски и пратеникот Драган Ковачки, имавме чест да им се обратиме на членовите на Парламентарното собрание на НАТО.
Состанокот на Постојаниот комитет, кој за прв пат се организира во Македонија, е силен сигнал на единство и потврда за нашите досегашни одлуки за зајакнување на сојузничката соработка, транспарентноста и парламентарната демократија.
Пратениците се витален линк помеѓу претставниците на сите 32 парламенти и сме им благодарни за сета работа и посветеност во одбраната на заедничките цели и интереси.
Остануваме посветени на стабилното инвестирање во одбраната, со издвојување на 2 проценти од бруто-домашниот производ и над 32 проценти од нив за една од најважните ставки – опремувањето и модернизацијата на Армијата, со што ја зацврстуваме националната и колективната одбрана.
