Во Министерство за одбрана, денеска министерот за одбрана Владо Мисајловски оствари средба со амбасадорот на Словачка, Н.Е Хенрик Маркуш.
На средбата се разговараше за досегашната одбранбена билатерална соработка со Словачка и иницијативите за нејзино интензивирање, зајакнување и унапредување во повеќе области со една цел за стабилност и безбедност на регионот и пошироко.
Министерот Мисајловски изрази благодарност за континуираната силната поддршка на Словачка на патот кон целосна евроатланската интеграција на нашата земја.
Добредојде и успешна дипломатска мисија му посака министерот за одбрана Владо Мисајловски на новоименуваниот амбасадор на Француската Република, Н.Е Кристов Ле Риголер на денешната средба во Министерството за одбрана, се вели во соопштението на Министерството за Одбрана.
На средбата на која присуствуваше и одбранбеното аташе, полковник Валери Санс, се разговараше за одбранбена билатерална соработка со Франција која е активна повеќе од 28 години во областа на воено образование и јазичната обука. Министерот Мисајловски изрази благодарност за силната поддршка од Француската Република во остварување на нашите стратешки цели, членството во НАТО и на патот кон целосна интеграција во ЕУ, истакнуваат од МО.
