Ова од Бојан Маричиќ е лажна вест и срамота за министер, реагира новинарот и уредник на порталот Инфомакс, Александар Митовски на реакцијата на министерот за правда во врска со денешната информација за судбината на пресудите од СЈО пред Судот во Стразбур.
– Не знам само, дали не знае што пишува или едноставно шири „фејк њуз“. Судот во Стразбур дал 12 недели на владата да направи спогодби со луѓето кои се во процес на судење или осудени, а добиле веќе прекин на постапките. Ако не направат спогодби во рок од 12 недели, од Стразбур ќе ги испратат пресудите до македонските судовите и согласно измените и дополнувањата во Законот за судови од 2019 година, македонските судии се должни да ги применуваат. Во спротивно им се закануваат казна на судиите, а највисоката предвидена казна е разрешување на судија заради непочитување на Законот, односно непочитување на одлука на судот во Стразбур. Дури и сега политички да ги штити СДСМ, првиот ден кога ќе падне СДСМ ќе бидат разрешени судиите, а членовите на Судскиот совет кривично ќе одговараат што не ги разрешиле навреме, заради работење спротивно на закон. По ова веројатно ќе следат тужби од обвинетите за барање на финасиска надомест од државата што ги малтретираат по судови за предмети за кои не би требало да има постапка! Маричиќ, министер за „лажни вести“!- се вели во реакцијата од Митовски.
