Мојсовски: Пожарот во Идризово го подметнале затвореници кои потоа се ставени во самица

Двајца затвореници во затвореното одделение во затворот „Идризово“ изутринава подметнале пожар кој веднаш бил изгаснат од затворската полиција.

Како што информираше директорот на затворот Боби Мојсовски, веднаш по пријавата на полицајците била повикана противпожарна единица, но не интервенирала бидејќи веќе огнот бил локализиран од обезбедувањето на затворот.

– Затворениците беа сослушани од управата и од МВР и во моментов се издвоени во самица, рече Мојсовски.

Според него, нема причинета материјална штета.