Поранешниот претседател на Боливија Ево Моралес, како и потпретседателот Алваро Гарсија Линера, нема да бидат кандидати за нивната партија Социјалистичко движење на следните избори, изјави високиот партиски функционер Хенри Кабрера.
– Ќе учествуваме на изборите и ќе настапиме со млади кандидати, особено за претседател и потпретседател, рече Кабрера.
Тој додаде дека „повеќе нема да има рециклирање на кандидатите“.
Датумот на одржување нови избори сè уште не е утврден. Моралес и други високи функционери поднесоа оставки на 10 ноември под притисок по заканите од армијата, а формирана е привремена влада предводена од Џанин Ањес.
