Академија Пандев и на реванш натпреварот против Зрињски Мостар претрпе длабок пораз од 3:0.
Академија Пандев беше поразена со идентичен резултат и пред една недела во Скопје, така што вкупниот резултат од двата натпревари е 6:0 за босанската екипа, која продолжува понатаму.
Првото полувреме од натпреварот заврши нерешено без голови, а на првите пет минути од вториот дел домаќините поведоа со голот на Станиша Мандиќ. За 2:0 се погрижи Милјан Говедарица кој во 79 минута постигна спектакуларен гол. А со голот на Ренато Гојковиќ во последната минута од натпреварот, се постигна конечниот резултат на натпреварот 3:0.
Зрињски Мостар се пласираа на второто претколо на Лига Европа.
