Актерот Џони Деп (55) пристигна во Белград во саботата и се смести во пентхаус на луксузен хотел, каде што има на располагање свој влез во комплексот, како и негов персонал, кој го донел со себе. Во Србија месец дена ќе се снима филмот Минамата, а организаторите се обиделе да му обезбедат строга осигурување и да го заштитат од обожаватели и папараци.
Деп само побарал да се сретне со режисерот Емир Кустурица (64).
– Средбата ќе ја организираме на сетот. Џони ќе снима 15 часа дневно, а ќе се обидеме тоа да го усогласиме со обврските на режисерот, кој снима два нови филма. Актерот го донел својот персонал во Белград, кој се грижи за него и постојано го следи, вели извор близок до познатиот актер.
Џек Спароу од „Пиратите од Карибите” сака да го посети Белград, но без медиумска помпа. Деп веќе му беше гостин на Кустурица пред неколку години на Меѓународниот филмски и музички фестивал „Кустендорф” во Србија.
– Емир е мој брат и инспирација за мене. Тој се стреми да ја задржи вистинската уметност, како и Џим Џармуш, Тим Бартон. Поради таквите луѓе, сè уште сум во филмскиот свет, рече Деп.
Пентхаусот во кој што Деп престојува во Белград има посебен приватен влез низ гаражата до самиот апартман, кој е на две нивоа, огромна дневна соба со поглед на центарот, па дури и три бањи. Вработените во хотелот немаат никаков контакт со него, ниту ќе можат, додека тој престојува во неговиот апартман, да влезат кај него. Неговиот персонал му подготвува и му носи храна.
– Условот за снимање во Србија беше, деталите за доаѓањето на Деп и сите податоци за снимањето, да се чуваат во тајност. Џони е страшен професионалец и не сака да биде расеан од ништо за време на неговата работа. Сите потпишаа договор за строго чување на информациите, така што холивудската ѕвезда во Србија ќе биде заштитена како висок функционер, изјави извор близок до холивудската ѕвезда за српските медиуми.
Деп ќе биде во Србија до почетокот на март, а потоа оди во Црна Гора.
