Американскиот претседател Доналд Трамп и францускиот претседател Емануел Макрон одржаа заедничка прес-конференција по билатералната средба претходно попладнево во Овалната соба.
Двајцата лидери учествуваа и во разговор со лидерите на самитот на Г7.
Посетата на Макрон на Белата куќа доаѓа на третата годишнина од руската инвазија на Украина.
Европските лидери брзаат да се обидат да ја вратат централната улога за себе и за Украина, откако беа исклучени од американско-руските разговори за ставање крај на војната.
Претседателот Трамп повтори дека „САД и пружиле многу поголема помош на Украина од која било друга нација“.
-Потрошивме повеќе од 300 милијарди долари, а Европа потроши околу 100-100 милијарди долари. Тоа е голема разлика и во одреден момент треба да дојдеме до израмнување, рече тој.
За време на состанокот во Овалната соба претходно денеска, Макрон го прекина Трамп за да го поправи својот американски колега за природата на европската поддршка за Украина.
Американскиот претседател Доналд Трамп изјави дека договорот со Украина ќе биде од корист за Русија.
-Русија има многу да добие од постигнување договор. Мислам дека ќе го завршиме тоа“, рече Трамп на прес-конференција по разговорот со францускиот претседател Емануел Макрон.
Трамп истакна дека постои „огромна недоверба“ од сите страни, но американскиот лидер верува во желбата на рускиот претседател Владимир Путин да постигне договор и „да продолжи да ја води Русија на позитивен начин“.
