Наместо да донесе одлука, Уставниот суд ќе чека одговор од спикерот Африм Гаши дали и кога Собранието планира да ги направи измените на Кривичниот законик, односно дали ќе донесе нов, со кој ќе се сменат одредбите, по кои случаите за висока корупција застаруваат, се вели во прилогот на ТВ 24.
И покрај тоа што пред шест месеци уставните судии беа децидни дека ако до август Собранието не донесе нов или го промени сегашниот, тие ќе изгласаат укинување или поништување на постоечкиот Кривичен законик, сега претседателот на Судот, Дарко Костадиновски, писмено ќе му се обрати на Гаши, за да добие информација зошто рокот не е испочитуван и дали законодавците планираат интервенција.
Претседателот на Уставниот суд, д-р Дарко Костадиновски е во комуникација со претседателот на Собранието Африм Гаши и писмено ќе се обрати до Собранието за да добие официјална информација во врска со определениот рок од 6 месеци и насоките за усогласување на законот, дадени од Уставниот суд. Врз основа на одговорот од Собранието, Судот ќе ги преземе понатамошните чекори за постапување во овој предмет, истакнува ТВ 24.
Целиот прилог на овој линк
