Вооружен напад имаше во болница во Истанбул, каде напаѓачот ранил пет лица и избегал.

Како што објави турскиот медиум ТРТ Хабер, меѓу петтемина повредени има полицаец, припадник на жандармеријата, припадник на обезбедување и двајца цивили. Ниту еден од нив не е во животна опасност. Во нападот е оштетена зградата на болницата и амбулантно возило. Непознатото лице побегнало од местото на настанот, а возилото што го користел напаѓачот е пронајдено напуштено. Полицијата работи на расчистување на случајот.