Израелскиот премиер Бенјамин Нетанјаху синоќа изјави дека мировниот план за Блискиот Исток, која наскоро ќе го објави администрацијата на американскиот претседател Доналд Трамп ќе биде „историски“.
– Оваа можност се нуди еднаш во историјата и не можеме да ја пропуштиме. Се надевам дека сме на прагот на историскиот момент за нашата земја, соопшти Нетанјаху пред заминувањето во Вашингтон.
Тој ја повтори својата оценка дека денес Израел има најголем пријател во Белата куќа, каков што никогаш немал и дека затоа постои најголема можност, каква што досега немал.
Нетанјаху ќе отпатува во Вашингтон, каде на утрешната средба со Трамп ќе има можност да разговара за американскиот план за Блискиот исток, што Палестинците однапред го отфрлија.
Трамп во четвртокот најави дека наскоро ќе го открие долгоочекуваниот план.
