Потпретседателот на ВМРО-ДПМНЕ, Александар Николоски, се сретна со лозарите од неготинско и ги информира за јавната расправа во Собранието во која мнозинството предводено одн СДСМ ги одби сите предлози на ВМРО-ДПМНЕ за да се најде начин да им се помогне на лозарите.
-Дојдов меѓу лозарите во Тимјаник, неготинско, да им кажам дека власта на Заев повторно ги предаде. После 3 дена јавна расправа во Собранието во која лозарите си ги искажаа своите маки, мнозинството предводено од СДСМ ги одби заклучоците предложени од ВМРО-ДПМНЕ кои меѓу другото предвидуваа:
– интервентен државен откуп на сето неоткупено грозје
– навремена исплата на грозјето
– гарантирани цени кои се најмалку 20% повисоки од производната цена
– да се исплатат дополнителни 96 илјади денари за хектар субвенции
– да се ослободат лозарите од плаќање закуп за земјоделско земјиште и надоместок за вода
– да се одзема лиценцата на секоја винарија која нема да ја почитува договорената цена и количината за откуп
Впрочем, сето ова го ветуваше Заев кога беше во опозиција. Сега бараме само да се реализира тоа што го ветуваа.
Повторно излажаа и ги оставија лозарите на цедило. Затоа што Заев е на страна на зелената мафија. нема образ да дојде и ова да им го каже на лозарите. А ние секогаш сме на страна на народот и со народот. Тоа е разликата – порача Николоски.
