Потпретседателот на ВМРО-ДПМНЕ, Александар Николоски на собраниската расправа за Законот побара точка 5, Закон за игри на среќа да се тргне од дневен ред.
Николоски наведе повеќе аргументи за неговото барања.
Првиот аргумент кој го наведе Николоски е злоупотребата на европското знаменце при носење на овој закон. Николоски наведе дека има реакција од Европската комисија и дека овој закон нема никаква врска со пристапните процеси во Европската Унија.
Вториот аргумент на Николовски е за криминалот кој се одвива во Лотарија на Македонија. Бројни медиуми веќе подолго време ја известуваат јавноста за сериозни индикации и сомнежи за криминал
Николоски тврди дека со законот се прави обид за легализација на лиценца за видео – лотариски апарати и 3 лиценци за онлајн за среќа. Со овој закон се дава можност децата да се коцкаат преку својот телефон. Сите овие 4 лиценци ќе бидат легализирани со овој закон.
Оној кој што ги потпишувал овие лиценци е Артан Груби и дека законот не може ретроактивно да важи. Во момент кога законот не постоел, овие лиценци се издадени и тоа само по себе повлекува кривична одговорност, вели Николоски
Николоски го критикува законот со кој треба да се дистанцираат обложувалниците и коцкарниците – 500 метра од училиштата, а од друга страна овозможува деца од 12 години да се коцкаат по телефони. Лицимерието на овој закон е очигледна и законот е создаден да истурка бизнис интереси.
Едната лиценца е на српски Моцарт, друга е на бугарски капитал, а трета на заеднички капитал на фирма од Црна Гора и Косово. Овие компании ќе приредуваат онлајн игри на среќа за деца кои ќе ги трошат парите на нивните родители.
Законот бара сериозно размислување и Николоски бара законот итно да се тргне од дневен ред.
