Викендов продолжува сагата на македонските лозари. Продолжува откупот со катастрофални цени од денар и половина за килограм смедеревка и два денари за килограм вранец. Лозарите никогаш не биле вака понижени со вака ниски цени, пишува на својот Фејсбук профил потпретседателот на ВМРО-ДПМНЕ Александар Николоски кој додава:

“За потсетување Заев ветуваше откупни цени од најмалку 9 денари за килограм смедеревка и 11 денари за вранецот. Проценетата вредност на килограм грозје според трошоците треба да биде најмалку 15 денари, реалноста со Заев на Власт е два денари за тие што ќе успеат да го продадат своето грозје. Македонските лозари се излажани повторно од Заев и старо-новата Влада.”

-Апелирам до власта да се помогне на луѓето и државата да направи интервентен откуп и да помогне на лозарите. Интервентен државен откуп е единствено решение за оваа сага на лозарите. Доволно е Заев да го направи тоа што го бараше како опозицонер во 2016 година. Да издвои 10 милиони евра за лозарите во Македонија. Наместо да ги троши на коли, цветни аранжмани и слични глупости, да ги потроши на лозарите, или да намалат да вртат непотребно струмичките камиони во РЕК Битола и да се најдат пари за интервентен државен откуп на цело преостаното грозје по гарантирани цени кои нема да се под 9 односно 11 денари, вели Николоски и потенцира:

“И покрај тоа што Зоран Заев загуби на парламентарните избори во Демир Капија, Росоман, Неготино, Кавадарци и Гевгелија негова обврска како премиер е да им помогне на овие луѓе. Јас останувам на страната на оние кои ги претставувам како пратеник и носител на листа на изборната единица 4.”

-Се гледаме деновиве на терен да ја споделам нивната мака и гнев, порачува Николоски.