САД инсталираат мрежа на сензори низ Украина за да откријат можна нуклеарна експлозија и зголемена радијација, објави Њујорк Тајмс.
Сe наведува дека сензорите ќе можат да детектираат радијација и од валкана бомба и од нуклеарно оружје активирано во Украина.
Тимот за поддршка за нуклеарна вонредна состојба (NEST) вели дека мрежата со атомски сензори е распоредена „ширум регионот“ и ќе има способност „да ја карактеризира големината, локацијата и ефектите од секоја нуклеарна експлозија“.
Сензорите, наводно, ќе служат како одвраќање бидејќи ќе им укажат на руските носители на одлуки дека САД би можеле да разоткријат употреба на нуклеарно оружје, се вели во објавата.
