Американскиот претседател, Џо Бајден, двапати ја помеша Газа со Украина.

Американскиот лидер двапати погрешно спомна како хуманитарната помош стигнува во Украина, додека тоа се случува во Газа, оставајќи им на претставниците на Белата куќа да разјаснат што всушност сакал да каже.

Најавата на Бајден дојде за време на средбата со италијанската премиерка, Џорџа Мелони.

„Помошта во Газа не е ни приближно доволна. Животите на децата и невините се загрозени. Нема да запреме додека не добијат поголема помош. Треба да испратиме стотици камиони, а не само неколку“, рече Бајден.

Тој, исто така, изрази надеж дека ќе има договор за прекин на огнот меѓу Израел и Хамас до Рамазан, светиот муслимански месец.