Новоизбраниот премиер на Франција, Франсоа Бајру денеска изјави дека очекува управувањето со поделена земја без парламентарно мнозинство да биде „тешка задача“.
Во првата изјава по неговото назначување, тој истакна оти „помирувањето е неопходно“ за Франција, иако „сите знаат дека тоа ќе биде долг пат“.
– Сите ја разбираат тежината на задачата. (Важно е) Да се најде пат што ги обединува луѓето, наместо да ги дели, посочи новиот француски премиер.
Бајру, лидерот на центристичката партија МоДем, претходно денеска беше именуван за нов премиер на Франција, со што стана четврти премиер на Емануел Макрон за помалку од една година и шести од 2017 година.
Бајру е именуван за премиер откако на 4 декември беше изгласана недоверба на владата на Мишел Барние, која на власт беше само три месеци.
