ОН денеска во Женева е домаќин на донаторска конференција на која се надеваше дека ќе собере 606 милиони долари (513 милиони евра) потребни до декември за одржување на програмите за помош во Авганистан.
До крајот на попладнето, генералниот секретар на ОН Антонио Гутереш информира дека донаторите ветиле повеќе од милијарда долари.
– Оваа конференција целосно ги исполни моите очекувања во врска со солидарноста со народот во Авганистан, рече Гутереш.
Од распадот на авганистанската влада поддржана од Западот и преземањето од страна на талибанците во август годинава, Авганистан е на работ на растечка хуманитарна криза.
Многу земји подготвени да дадат помош изразија загриженоста за начинот на кој талибанците ќе ги трошат тие средства.
