Американскиот претседател Доналд Трамп изјави дека ги укинува тарифите за повеќето стоки од Мексико на четири недели поради економските стравови поради трговска војна.
Дополнителните царини за увоз од Мексико, Канада и Кина стапија на сила претходно оваа недела, дел од, како што вели Белата куќа, обид да се ограничи протокот на лекот фентанил, објави Њујорк Тајмс.
Сепак, производите опфатени со Северноамериканскиот трговски договор сега се ослободени до 2 април.
Ова е второ едномесечно одложување што Трамп го најави откако првпат ги воведе овие тарифи на почетокот на февруари.
Последната отстапка дојде откако тој вчера ги изненади финансиските пазари со укинувањето на царините за производителите на автомобили, по молбите на шефовите на автомобилската индустрија.
Американскиот претседател рече дека ја донел одлуката „од почит“ кон мексиканската лидерка Клаудија Шејнбаум.
„Нашите односи беа многу добри и работиме напорно заедно на границата, како во однос на спречување на илегалните мигранти да влезат во Соединетите Држави, така и за запирање на фентанилот. Благодарам на претседателката Шејнбаум за вашите напори и соработка“, напиша тој на Truth Social.
