Елица Нацева од охридското село Подмолје, се вклучува акцијата за набавка и дистрибуција на заштитни маски, ракавици и средства за дезинфекција, наменета за полициските службеници.
-Нејзиниот хуман гест е исклучително значаен, бидејќи Елица, од својата скромна пензија, одлучи да издвои парични средства и преку ИПА Регион Охрид, на полициските службеници да им подари 100 високо квалитетни и повеќенаменски заштитни маски, како и 200 заштитни ракавици, вели Стефан Димоски, претседател на Интернационалната полициска асоцијација (ИПА) Регион Охрид и портпарол на СВР Охрид.
Елица Нацева истакнува дека во знак на солидарност, донира мала помош но од срце и со голема почит и поддршка кон полицајците кои, покрај лекарите и војниците, и по цена на нивното здравје, дење и ноќе се ангажирани да придонесат за поголема заштита на нас граѓаните од коронавирусот, вели таа.
Димоски доваде дека деновиве, заштитните маски ќе бидат дистрибуирани до полициските службеници на терен кои преземаат бројни и сложени безбедносни мерки за заштита на граѓаните од ширење на коронавирус COVID-19.
-Во овие тешки денови на пандемија, кога смртоносниот вирус коси низ Северна Македонија и светот, овој голем хуман и солидарен гест на Елица Нацева е вреден за почит. Донацијата ќе придонесе за подобро опремување на полициските службеници со неопходните заштитни маски и заштитни ракавици и ќе го зголем степенот на безбедност во нивната работа но и за зачувување на нивното здравје, додава Димоски.
