ОН загрижени заради десетиците илјади деца војници во светот

Десетици илјади деца се користат како војници во вооружени конфликти низ целиот свет, соопшти Уницеф.

Децата што живеат во држави каде траат конфликти – во Јужен Судан, Централноафриканска Република, Конго, Сомалија, Сирија и Јемен се вклучени во спротивставените страни на насилство. Момчињата и девојчињата во училишна возраст исто така се користат како војници или им помагаат на вооружени групи во Авганистан, Мали и Мјанмар.

Покрај тоа што се принудени да се борат, децата се присилени и служат како разузнавачи, готват или собираат дрва. Некои девојчиња се принудени да се омажат со борци додека момчињата и девојките се подеднакво сексуално злоставувани, објави УНИЦЕФ.

Децата се принудени да служат како „живи штитови” или да активираат експлозиви во преполни плоштади. Тешко е да се соберат точни податоци, но според некои проценки, организацијата забележува дека во светот има околу 250.000 деца војници.