Унгарскиот премиер Виктор Орбан денес ја повика претседателката на Европската комисија (ЕК), Урсула фон дер Лајен, да поднесе оставка, откако Судот на правдата на Европската унија на 14 мај ја прогласи фон дер Лајен за одговорна за прикривање информации за договори за набавка на вакцини.
Орбан го објави ова на социјалната мрежа X заедно со фотографија стилизирана како насловна страница на списанието „Тајм“, посветена на повлекувањето на поранешниот американски претседател Џо Бајден од изборната трка во 2024 година, на која има слика од Фон дер Лајен со текст „Време е да си замине“.
Time to go. pic.twitter.com/utLYFKQz6b
— Orbán Viktor (@PM_ViktorOrban) July 9, 2025
Неговиот повик доаѓа откако повеќе од 70 членови на Европскиот парламент ја поддржаа иницијативата за недоверба на фон дер Лајен на 27 јуни. Пратениците дебатираа за предлогот во понеделник и треба да гласаат за него утре.