Победник на новиот буџетски план на Европската комисија е Украина, поради износот на пари наменети за Киев, а губитници се европските граѓани, изјави денеска унгарскиот премиер Виктор Орбан.
„Ова би можело особено силно да ги погоди земјоделците. Унгарските земјоделци, заедно со нивните европски колеги, би можеле да добијат многу помалку субвенции во иднина“, рече Орбан.
Унгарскиот премиер додаде дека „во Брисел владее хаос“ бидејќи новиот предлог за буџет на Европската комисија, кој „ги изненади сите“, беше објавен, нагласувајќи дека „ситуацијата е драматична“, објави MTI.
Европската комисија денес ќе го претстави првиот сет предлози за следниот долгорочен буџет на ЕУ, познат и како повеќегодишна финансиска рамка (MFF).
