Западот водеше „прокси војна“ против Русија преку Украина и ја загуби, изјави унгарскиот премиер Виктор Орбан.
Унгарија, членка на ЕУ, постојано ја критикуваше политиката на блокот во однос на украинскиот конфликт, особено санкциите за Москва и испораките на оружје за Киев.
Во интервју за јутјуб-каналот ОТ, Орбан рече дека целиот „западен свет“ стои зад Украина во нејзиниот конфликт со Русија, кој тој го опиша како „прокси војна“.
Москва, исто така, долго време ги карактеризира непријателствата како де факто конфликт со Западот.
Според унгарскиот премиер, Западот загубил, но „европските лидери се двоумат дали да го признаат“ поразот. Тој тврди дека овој исход ќе има големо влијание врз целиот Запад, бидејќи „да се изгуби војна е сериозна работа“.
Орбан додаде дека европските лидери и нудат на Украина да го продолжи конфликтот и за возврат да добие членство во Европската унија.
Унгарскиот премиер тврдеше дека тоа би било проблематично бидејќи Украина не може сама да се издржува.
Што се однесува до САД, унгарскиот премиер рече дека Вашингтон е во подобра позиција благодарение на пристапот на претседателот Доналд Трамп, кој ја прекина политиката кон Украина што ја водеше неговиот претходник Џозеф Бајден.
Според Орбан, Трамп „ги спасил САД од сериозен пораз“.
Да потсетиме, претходно во март, Орбан изјави за јутјуб-каналот „Патриот“ дека ЕУ го храни Киев со „празни ветувања“ затоа што „не останува ниту денар да продолжи да ја вооружува Украина, да ја одржува украинската армија и да го финансира функционирањето на украинската држава“.
Неговите коментари уследија откако Будимпешта одби да ја поддржи заедничката изјава на ЕУ во која се повикува на зголемена воена помош за Киев.
