Александра Живковиќ стана мајка на 51-годишна возраст. На 29 јануари, на свет донесе девојче, тешко 3,280 грама и долго 50 сантиметри.
Бебето било зачнато со вештачко оплодување на клиника во Солун, а на пресреќната мајка тоа и било прва бременост.
Александра и нејзиното бебе се наоѓаат на Клиниката за гинекологија во Ниш, на која, поради епидемија на грип, посетите се забранети.
Радосната вест го израдува нејзиниот брат и Милош Живковиќ, кои им даде на новинарите фотографија од штотуку роденото бебе. Мајката на Александра, Снежана со нетрпение чека ќерката и внуката да дојдат дома.
„Имам две внуци од мојот син, кои ме направија многу среќна. Мојот внук е втора година средно, а неговата сестра е шесто одделение. Иако се исполнив како баба со нивното раѓање, секогаш сакав и мојата Александра да биде мајка. Меѓутоа , некои животни околности ја спречија таа да одлучи да се породи порано. Секогаш и велев дека треба да има бебе затоа што како мајка знам колкава е тоа радост. Во изминатите две години Александра почна да размислува за тоа. Таа ги посетуваше лекарите и се подготвуваше за бременост. Отиде во Белград, таму стапи во контакт со доктори од Солун и беше договорено да се подложи на вештачко оплодување. Бев бескрајно среќна кога ме извести дека останала бремена од првиот обид. Меѓутоа, радоста беше помешана со стравот за нејзиното здравје, сепак, тоа се години кога бременоста може да биде ризична. Не ги тргнав очите од неа, се плашев дека може да и се случи нешто. За среќа, стравот ми беше целосно неоснован, многу лесно ја поднесуваше бременост, таа немаше сериозни здравствени проблеми, дури ниту бенигните од кои обично страдаат бремените жени како што се оток на нозете“, раскажува пресреќната баба.
Александра е аптекарка. Завршила медицинско училиште, отсек фармација во Лесковец, а работи во Ниш.
