Од наредната година се очекува да се појават платежни картички кои наместо четирицифрен пин ќе имаат вграден читач за отпечаток од прст.
Со платежните картички на новата генерација треба да се подигнат на повисоко ниво ефикасноста за плаќање и безбедноста, наведува британскиот Би-Би-Си Клик.
Овие картички не се разликуваат од стандардните, ниту бараат каков било вид на напојување, бидејќи неопходната енергија ја добиваат од електронскиот апарат за наплата, на кој се допираат.
Потребно е претходно картичката да го сними отпечатокот од прст од различни агли. На тој начин никој не може да ја употреби, ниту да ја фалсификува.
Како што е познато, во минатото, оттисок од палецот се користел како потпис на лицата кои не се писмени.
