Палестина ќе се придружи на изборот за Мис Универзум за прв пат по 74 години, што ќе се одржи овој ноември во Пак Крет, Тајланд.
Менекенката Надин Ајуб објави оваа недела дека ќе ја претставува Палестина на изборот за Мис Универзум.
„Чест ми е да објавам дека Палестина ќе биде претставена на Мис Универзум за прв пат во историјата. Јас стапувам на сцената на Мис Универзум не само со титула, туку и со вистината“, напиша таа на почетокот на објавата.
View this post on Instagram
„Додека Палестина минува низ срцепарателна криза, особено во Газа, јас го носам гласот на народот кој одбива да биде замолчен. Јас ја претставувам секоја палестинска жена и дете чија сила светот треба да ја види. Ние сме повеќе од нашето страдање – ние сме отпорност, надеж и срце на татковината што живее преку нас“, додаде таа.
Според „Араб њуз“, Ајуб е фитнес тренер и консултант за исхрана кој сега живее во Дубаи, а претходно ја имаше титулата Мис Вода на изборот за Мис Земја 2022 во Манила.
