Памела Андерсон (57) на црвениот тепих на Златните глобуси се појави со синот Брендон Томас Ли (28). Андерсон беше номинирана за најдобра изведба од актерка во драма за нејзината улога во The Last Showgirl. Таа за оваа свечена пригода носеше црн фустан со соодветни ракавици.
Андерсон на настанот се појави без шминка, што стана нејзина практика на јавни настани од 2023 година. На црвениот тепих, таа му кажа на Марк Малкин од Variety дека оваа година не соработувала со тимот за шминка или стилисти, велејќи: „Ова сум само јас“.
Вниманието на фотографот го привлече и нејзиниот син Брендон Томас Ли, кој носеше елегантен црн смокинг. Брендон, кој има 28 години, е син на Памела и нејзиниот прв сопруг Томи Ли.
