Поради стравувањата поврзани со бразилската мутација на коронавирусот Франција ги прекина летовите меѓу двете земји, јави дописникот на МИА.
Париз одлучи да ги прекине „до дополнително известување“ сите летови меѓу Бразил и Франција поради загриженоста околу бразилската мутација на „Ковид-19“, соопшти денеска францускиот премиер Жан Кастекс.
-Забележуваме дека ситуацијата се влошува и затоа решивме да ги прекинеме сите летови меѓу Бразил и Франција до дополнително известување, објасни шефот на Владата за време на пратеничките прашања во Собранието.
