ВМРО-Народна партија ја поддржува иницијативата на премиерот Ковачевски да побара објаснување од МНР зошто нема паритетен однос и македонската национална телевизија да биде емитувана во соседна Бугарија.
– Но во исто време сакаме да прашаме зошто овој паритет не се бара и од соседна Србија. Имено, во моментов на македонските кабловски оператори има меѓу 30-40 телевизиски канали кои потекнуваат од нашиот северен сосед и во кои на мнозина од нив гледаме играни филмови и документарни емисии во кои окупацијата на Македонија се претставува како ослободување, велат од оваа партија.
За волја на вистината, се додава во рекацијата, надвор од кабловските мрежи С. Македонија, како што истакнуваат од ВМРО-ДПМНЕ, има и регистрирана српска телевизија односно ТВ Алфа.
– Неможеме да сфатиме зошто се води ваква еднострана политика од страна на нашата земја. С. Македонија мора да води принципиелна политика кон сите свои соседи ако сака да не го загрозува својот Евроатлантски пат, се додава во соопштението од ВМРО-Народна, чиј основач и долгогодишен лидер беше Љубчо Георгиевски.
Како што објавивме, договорот меѓу Македонија и Бугарија за реемитување на националните телевизии не се почитува. Односно во Македонија се емитува бугарската БНТ, а во Бугарија нема сигнал македонската МТВ.
