Русија има воени разузнавачки информации дека американски дрон бил во иранскиот воздушен простор кога Иран го соборил минатата недела, изјави Николај Патрушев, секретар на Советот за безбедност на Русија.
Патрушев им изјави на новинарите во Ерусалим дека доказите што ги презентираат САД, тврдејќи дека Иран стои зад нападот врз бродовите во Оманскиот залив, биле со лош квалитет и непрофесионални.
Во Ерусалим денеска се одржува трилатерален состанок за Сирија на кој се Патрушев, советникот за национална безбедност на САД, Џон Болтон, и израелскиот шеф за национална безбедност, Меир Бен-Шабат.
