Почитувани, денеска е ден кога собираме идеи на граѓаните, идеи коишто ќе бидат дел од програмата наредните четири години, вели во своето видео обраќање градоначалникот на Охрид Кирил Пецаков.

Нашата програма е конципирана на начин што во првиот дел она што претставува капитални инфраструктурни проекти, ќе бидат надоградени на веќе постоечките капитални инфраструктурни проекти, коишто се отпочнати или завршени во претходниот мандат, и суштински ќе ја менуваат сликата за Охрид, изјави Пецаков.

-Вториот дел ќе бидат проекти коишто се насочени и се директно поврзани со потребите на граѓаните од месните заедници, а произлегоа како насочна потреба во изминатите четири години, и ги добивавме директно од месните заедници, и третиот дел секако дека ќе биде поврзан со денешниот ден, односно со идеите коишто граѓаните во наредните неколку дена ќе ги доставуваат до нас, и сето она што ќе биде реално остварливо, ќе може да биде дел од нашата програма и ќе се потрудиме да биде остварено за еден мандат, вели Пецаков.

За истата акција објави и градоначалникот на Аеродром, Митевски:

„Стотици граѓани, многу проекти, многу идеи.

Заедно со аеродромци, на сите локации во Аеродром разговараме за програмата за наредниот четиригодишен период.

Програмата за Аеродром, но и програмата за град Скопје“, објави Митевски