Во процесот на осудените лица во таканаречениот педофилски синџир од германскиот град Минстер денеска се изречени затворски казни.
Првообвинетиот Адријан В. е осуден на 14 години затвор, а поради тежината на делото можно е да остане во затвор и по изрекувањето на казната. На овој 28-годишен ИТ техничар докажани му се најмалку 29 случаи на силување и најтешка сексуална злоупотреба на деца во една градинарска колиба во северниот дел на Минстер. Тој претходно беше обвинет за поседување детска порнографија.
Три мажи од цела Германија исто така беа осудени на десет до дванаесет години затвор. Мајката (46) на првообвинетиот исто така е осудена на три години затвор за соучество.
Во центарот на процесот беше серија филмови направени во текот на неколку дена, на кои биле снимени бројни силувања на две момчиња кои биле делумно онеспособени со наркотици. Една од жртвите се уште е 11-годишниот посвоен син на првообвинетиот.
Претседателот на Судскиот совет Матијас Фејлер ги оправда високите казни со бруталноста на делото и рече дека општеството мора трајно да се заштити од сторителите.
– Она што го слушнавме за време на судењето, надминува сè што овој суд имал некогаш доживеано, рече судијата што претседаваше.
Ова е еден од трите најголеми случаи на педофили во сојузната покраина Северна Рајна-Вестфалија, кои беа откриени последните години во градовите Минстер, Бергиш Гладбах и Лугде. Идентификувани се вкупно 50 осомничени, од кои 30 чекаат судење во истражен затвор.
