Претседателот на Реал Мадрид, Флорентино Перез, ги отфрли гласините за заминувањето на Лука Модриќ во Интер и постави невозможен услов за негов трансфер.
Од Реал наведуваат дека по продажбата на Кристијано Роналдо, не се заинтересирани за продажба на Модриќ. Тој има договор со шпанскиот клуб до 2020 година, а најверојатно ќе добие и други дополнителни привилегии.
– Единствена можност Лука Модриќ да си замине од Реал е ако некој плати 750 милиони евра – истакна Перез.
Претходно, во италијанските медиуми се појавија информации дека наводно хрватскиот фудбалер сака да си замине од Реал и дека неговата сопруга ги остварила контактите со Интер за негов трансфер.
