Портпаролот на рускиот претседател Дмитриј Песков денес изјави дека има пауза во мировните преговори меѓу Русија и Украина и ги обвини европските земји за опструкција на процесот, за што, како што изјави, Москва е сè уште отворена.
„Засега, веројатно е посоодветно да се зборува за пауза (во контактите меѓу преговарачките тимови)“, рече Песков, одговарајќи на прашањето дали преговарачкиот процес дошол во ќорсокак по средбата меѓу рускиот претседател Владимир Путин и американскиот претседател Доналд Трамп во Алјаска, пренесува РИА Новости.
Тој изјави дека не треба да се очекува преговарачкиот процес да донесе „молскавични резултати“. Песков потсети дека Трамп веќе рекол дека првично размислувал за можноста за брзо решение, но потоа сфатил дека е потребно повеќе време.
Како што изјави, Русија останува подготвена да го следи патот на мирно решавање на конфликтот во Украина. „Руската страна ја одржува својата подготвеност да го следи патот на мирен дијалог и мирно барање начини за негово регулирање“, изјави Песков пред новинарите.
Тој оцени дека земјите од ЕУ го опструираат процесот на решавање на украинската криза.
„Вистина е дека Европејците се мешаат, тоа не е тајна“, рече Песков.
