Турчин кој исчезна во близина на Бурса, доброволно се вклучил во сопствена потрага, објави Дејли Сабах.
Бејхан Мутлу, жител на градот Инегол, во областа Бурса, бил пријавен како исчезнат во вторникот, бидејќи неговите роднини не можеле да стапат во контакт со него неколку часа.
Човекот излегол со пријателите, се опил, потоа отишол кон шумата и алкохолизиран, се приклучил на група спасувачи во операција за потрага по исчезнато лице.
Многу подоцна, откако ги испрашал другите доброволци, Мутлу сфати дека тој е бараниот. Мажот бил одведен дома од властите откако дал исказ во полиција.
