Велат ќе биде тешка зима, затоа на секој министер му сплетив по еден пар волнени чорапи кои најдобро ќе ги стоплат, изјави за РИНУ Љубица, жителка на српското село Девиќи, пренесува српски Курир.
Српскиот претседател Александар Вучиќ свечено пушти во употреба нов асфалтиран пат од 8 километри во селото Девиќи, чии жители со децении користеа макадам велат и сега се воодушевени од асфалтот. По тој повод Љубица од Девиќи, во знак на благодарност, сплетила волнен елек со иницијалите на претседателот и грбот на Србија.
Таа го плетела елекот две години, а подготвувала подароци и за министрите во Владата.
-Почнав да го плетам кога претседателот нареди да се санира патот до Девиќи, кој беше во ужасна состојба. Со задоволство го направив и се надевам дека ќе успеам да му го претставам. Знак на благодарност е што тој беше човек кон нас „планинците“ на кои ретко кој обрнуваше внимание, рекла Љубица пред средбата со претседателот Вучиќ.
Таа вели дека се грижела за секој детал и затоа плетењето траело толку долго.
– Изработен е од волна што ја стрижев од моето стадо. На задната страна е големиот државен грб на Србија, двоглав орел со круна. Истиот вез со помал големина го краси левиот ревер на оваа рачно изработена елек, изјавила Љубица.
