Белгиската полиција изврши претрес во седиштето на Европската народна партија (ЕПП) во Брисел, изјави неименуван извор за Еурактив.
„Белгиски полицајци упаднаа на првиот и третиот кат од седиштето на партијата во Ру ду Комерс“, изјави изворот.
Според првичните информации, полицијата ги запленила компјутерите како дел од тековната истрага за наводна корупција за време на изборната кампања за изборите за ЕУ во 2019 година.
Како што пренесува Индекс, пратеникот на ЦДУ Марио Војгт бил шеф на дигиталната кампања на функционерот на ЕПП Манфред Вебер за време на изборната кампања за Европскиот парламент во 2019 година, а истражните дејствија се насочени кон доделување договор за дигитална кампања на компанија во германската покраина Тирингија, пренесуваат германските медиуми.
Војгт сега е првиот човек на ЦДУ во Тирингија.
Минатиот септември, комисијата за правда на покраинскиот парламент му го укина имунитетот во очекување на истрага од германскиот јавен обвинител, но не е сосема јасно дали тоа е поврзано со овој случај.
