Американските власти се надеваат дека наскоро ќе се смират тензиите меѓу Израел и Палестинците и се убедени дека нивната „задкулисна“ интервенција спречи развој на долготраен конфликт, соопшти „Политико“.
Според медиумските извештаи, претставници на Белата куќа го повикале израелскиот премиер Бенјамин Нетанјаху да ја прекине воената операција во Појасот Газа, по што вчера израелскиот лидер ја даде изјавата дека остануваат „неколку дена“ до крајот на борбените дејствија.
САД, исто така, ги олеснија преговорите меѓу Египет и страните во конфликтот, вклучувајќи го и палестинското движење Хамас, наведува весникот.
Според извор на весникот, постојат индиции дека Хамас бара излез од сегашната состојба.„Политико“ наведува дека крајот на конфликтот може да се одвива етапно, почнувајќи со меѓусебен прекин на гранатирањето на испораките со хуманитарна помош.
