Полициски снајперист потенцијално ги спасил животите на Доналд Трамп и на собраните на митингот во Пенсилванија на 13 јули, погодувајќи ја пушката на атентаторот на Доналд Трамп неколку моменти пред напаѓачот да биде убиен од агенти на Тајната служба, пишува Би-Би-Си.
Снајперски куршум ја оштетил пушката на атентаторот Томас Метју Крукс и му ја попречил целта откако тој пукал кон Трамп, убивајќи еден човек од публиката и ранувајќи го Трамп во увото. Неколку секунди подоцна бил застрелан од снајперист на Тајната служба.
Според извештајот на американскиот Конгрес, полицискиот снајперист прв пукал во атентаторот на Трамп и тоа од далечина од 100 метри. Снајперистот истрчал кон напаѓачот и веднаш откако Крукс ги испукал првите истрели, тој пукал во него и успеал да му ја погоди пушката, одвлекувајќи му го вниманието. Потоа бил застрелан од агент на Тајната служба.
