Манчестер Јунајтед ќе даде последна понуда преку овој преоден рок за нивната голема цел Џејден Санчо следната недела.
Според „Мирор“, понудата ќе изнесува 75 милиони фунти плус дополнителни 15 милиони во форма на бонуси. Потпретседателот на „црвените ѓаволи“, Ед Вудворд, ќе ја извести Борусија (Дортмунд) дека нема да преговара повеќе за структурата на плаќањето и германскиот клуб мора да одлучи дали ќе ја прифати оваа понуда, бидејќи нема да има друга до 5 октомври, кога ќе се затвори прозорецот.
Борусија (Дортмунд) сака 108 милиони фунти и веќе три месеци не се откажува од оваа цена. Сепак, од „Олд Трафорд“ сметаат дека најновата понуда може да се прифати затоа што тие веруваат дека предлогот е доволно дарежлив во контекст на кризата предизвикана од пандемијата.
Самиот играч веќе има принципиелен договор со Јунајтед за неговите услови. Англискиот репрезентативец ќе добива околу 175.000 фунти неделно.
