Клубовите од Премиер лигата се надеваат дека за почетокот на следната сезона на одреден број гледачи ќе им биде дозволено да присуствуваат на натпреварите од првенството.
Пандемијата на коронавирус ги принуди газдите на тимови на Островот да преземат мерки да ги играат сите преостанати натпревари од првенството пред празни трибини. Според „Мирор“, сепак, постои сериозна надеж дека за почетокот на следната сезона да има можност да им се дозволи на навивачите да следат дуели во живо.
Во моментот, датумот за почеток на сезоната 2020/2021, за кој најинтензивно се дискутира, е 12 септември. Потоа се очекува да се утврди процентот на места на стадионите што можат да ги зафатат гледачите, сочувајќи одредени мерки за социјална оддалеченост.
