Кривичниот суд Скопје, првообвинетиот во случајот „ТНТ“ Никола Груевски, кој има политички азил во ЕУ, поточно во Унгарија, го прогласи за виновен и го осуди на девет години затвор, додека обвинетиот поранешен министер за транспорт и врски Миле Јанакиески, е осуден на три години затвор. Екс-градоначалникот на општина Гази Баба, исто така прогласен за виновен и осуден на четири години. Иста казна затвор од четири години и беше изречена и на обвинетата Елизабета Најдовска.
Првото рочиште за овој случај беше одржано на 24 јануари 2018 година.
Судењето за овој предмет го води судијата Огнен Ставрев, а застапник на обвинението е јавниот обвинител Бурим Рустеми.
Според обвинителниот акт поднесен од поранешното СЈО, во временскиот период од 01.04.2011 година до крајот на 2012 година во Скопје, обвинетиот Никола Груевски, во својство на премиер на Владата и обвинетиот Миле Јанакиевски – министер за транспорт и врски, заеднички со цел да му се одмаздат на оштетениот Фиат Цаноски за неговата политичка одлука кој како претседател на политичката партија ПЕИ, ја напуштил коалицијата со политичката партијата ВМРО-ДПМНЕ и склучил коалиција со опозициската политичката партија СДСМ, искористувајќи ја нивната реална моќ со умисла го поттикнале обвинетиот Тони Трајковски, тогашен градоначалник на општина Гази Баба, да стори кривично дело „Злоупотреба на службената положба и овластување” и да тој ја искористи својата службена положба и незаконски да го сруши станбено-деловниот објект Космос што бил граден од оштетениот-инвеститорот оштетениот Фиат Цаноски.
Инаку, досега во повеќето пресуди од обвиненијата подигнати од пропаднатото СЈО, чија главна обвинителка Катица Јанева сега е осудена и одлежува казна затвор, Груевски добива по повеќе годишни затвориски казни.
