Рускиот министер за надворешни работи Сергеј Лавров и американскиот државен секретар Марко Рубио денес разговараа за претстојната средба меѓу рускиот претседател Владимир Путин и американскиот претседател Доналд Трамп.
„Тие разговараа за одредени аспекти на подготовките за претстојната средба на Алјаска на 15 август“, се вели во соопштението на руското Министерство за надворешни работи.
Двете страни ја потврдија својата посветеност на успешна средба меѓу двајцата лидери. Кремљ и Белата куќа претходно објавија дека Путин и Трамп ќе се сретнат на Алјаска на 15 август.
Точната локација на средбата сè уште не е објавена ниту од Москва ниту од Вашингтон.
