Спасувачките екипи денеска го пронајдоа телото на познатиот британско планинар со непалско потекло, Нирмал Пурџа, кој загина во лавина на Брод Пик, врв висок 8.000 метри во северен Пакистан.
Телото на познатиот планинар и уште тројца алпинисти се пронајдени на околу 5.700 метри надморска висина на Брод Пик.
Десет планинари, предводени од 43-годишниот Пурџа, на 30 јули изгубија контакт со базниот камп поради лавина и загинаа. Спасувачката мисија беше отежната поради неповолните временски услови.
Брод Пик со висина од 8.047 метри, е дванаесеттиот највисок врв во светот. Се наоѓа во пакистанскиот дел од планинскиот венец Каракорам, кој има 14 врвови повисоки од 8.000 метри и привлекува алпинисти од целиот свет. Планинарите на Брод Пик првпат се искачија во 1957 година.
Пурџа, познат како Нимс Даи од април до октомври 2019 година, за шест месеци и шест дена, се искачи на 14 врвови високи над 8.000 метри со помош на боца со кислород. Неговиот рекорд беше соборен во 2023 година. Тој е првиот планинар, кој во рок од 48 часа ги искачи Монт Еверест, Лхоце и Макалу. Пурџа, заедно со девет непалски планинари во 2021 година успешно го завршија првото зимско искачување на К2.
Пурџа важи за еден од најголемите планинари во историјата и пионер на модерното планинарење.
