Централното изборно тело на Романија му забрани на Калин Георгеску да се кандидира на вториот круг од претседателските избори во Романија кои ќе се одржат во мај. Георгеску е екстремно десничарски проруски кандидат.
Во декември, два дена пред вториот круг гласање во декември, романскиот највисок суд ги поништи изборите поради наводното мешање на Русија во корист на Георгеску. Москва ова го негираше.
Членовите на администрацијата на Доналд Трамп изјавија дека поништените избори во Романија се пример за тоа како европските влади ја задушуваат слободата на говорот и политичките противници.
„Заедно, ја прифаќаме администрацијата на Трамп и Венс поради нашите заеднички вредности, имено мирот, демократијата и слободата“, им рече Георгеску на новинарите, предупредувајќи дека обидот да се блокира неговата кандидатура нема да успее.
„Целиот свет ја гледа Романија“, рече тој.
Георгеску е под кривична истрага по шест точки, вклучително и членство во фашистичка организација и давање лажни информации за финансирање на кампањата. Тој негираше каква било вина.
Тој ги пофали романските фашистички водачи од 1930-тите како патриоти и маченици,а сподели дека се восхитува на Путин и Трамп.
Отфрлањето на неговата кандидатура сè уште може да биде оспорено пред Уставниот суд. Десетици негови приврзаници се собраа пред седиштето на изборната канцеларија, извикувајќи „Слобода“.
Во врска со ова Георгеску напиша:
„Директен удар во срцето на светската демократија. Имам една порака! Ако демократијата во Романија падне, сиот демократски свет ќе падне! Ова е само почеток. Толку е едноставно.
Европа сега е диктатура. Романија е под тиранија!“
