Раководството на ПСЖ изрази ново незадоволство од однесување на Бразилецот Нејмар (28). Напаѓачот на „светците“ овојпат отпатува во Дизелдорф да учествува во снимање на рекламен спот за еден бренд на гардероба.
Нејмар извесен период е повреден, а челниците на ПСЖ се надеваа дека ќе се потруди да се рехабилитира до првиот меч со Борусија Дортмунд во осминафиналето во Лигата на шампиони што ќе се одигра во вторник (18 февруари). Но, наместо тоа, забелешките се дека троши енергија на работи што не се поврзани со фудбалот.
Од клубот, сепак, нагласија дека нема да применат санкции кон бразилската ѕвезда кој оваа сезона одигра 14 меча во француската Лига 1, при што постигна 13 гола.
