Рускиот претседател Владимир Путин ја потврди подготвеноста на руската страна да преговара со Украина без предуслови на средбата со специјалниот претставник на американскиот претседател, Стивен Виткоф, изјави денес портпаролот на Кремљ, Дмитриј Песков.
Четвртата средба меѓу рускиот претседател и специјалниот претставник на американскиот претседател Доналд Трамп од почетокот на годината се одржа во петокот, пренесува РИА Новости.
Рускиот претседателски помошник Јуриј Ушаков рече дека разговорот траел три часа и бил „конструктивен и многу корисен“, додека Трамп исто така рече дека состанокот поминал добро. Според помошникот на претседателот Јуриј Ушаков, дискусијата главно се фокусирала на ситуацијата околу Украина, но биле покренати и други политички и економски прашања.
По разговорот, Виткоф изјави дека постои можност да се најдеме „на работ на нешто што ќе биде многу важно за светот во глобална смисла“.
Тој истакна дека овој процес оди подалеку од „таканаречените пет територии“ и би можел да вклучува безбедносни гаранции и напуштање на плановите за прием на Украина во НАТО. Последната средба меѓу Путин и претставникот на американскиот претставник се одржа на 11 април во Санкт Петербург и траеше околу четири и пол часа.
